Davlatimiz rahbari Shavkat Mirziyoev AQSh Senati raisi o`rinbosari, moliya bo`yicha qo`mitasi raisi Orrin Xetch boshchiligidagi senatorlar bilan muloqot qildi. Bu xaqda Prezident matbuot xizmati xabar berdi.
Respublikachilar partiyasi a`zosi bo`lgan Orrin Xetch chuqur bilim va katta tajribaga ega siyosatchi. U 1977 yildan beri senator sifatida hurmat qozongan.
Bu nuroniy inson bilan muloqot samimiy va samarali kechdi. Orrin Xetchning yuksak bilim va tajribasi, kuchli energiyasi Prezidentimizda katta taassurot qoldirdi.
Uchrashuvda mamlakatlarimiz va xalqlarimiz o`rtasidagi aloqalarni faollashtirish yuzasidan fikr almashildi.
