Aralash qoidalar bo`yicha amerikalik mashhur sportchi Jeff Monson Rossiya pasportiga ega bo`ldi.
Yaqinda professional sportchilik faoliyatini yakunlagan Monson tez orada Rossiyada bolalar sportini rivojlantirish maqsadida ish boshlamoqchi. Aynan shu sabab u Rossiya fuqaroligini oldi, deb yozadi Olamsport nashri.
“1971 yilning 18 yanvar kuni AQShda dunyoga kelgan Monson Jeffri Uilyamsga Rossiya Federasiyasi fuqarosi maqomi berilsin”, - deyiladi Rossiya Federasiyasi Prezidenti Vladimir Putin tomonidan imzolangan Qarorda.
RF Prezidenti Qarori kecha imzolangandi. Bugun esa bu haqdagi me`yoriy hujjat Davlat portalida e`lon qilindi.
