Kambojada dunyodagi eng uzun sharf yaratildi, deb xabar bermoqda Rentv.ru nashri.
Kamboja poytaxti Pnompen shahri markaziga minglab mahalliy aholi vakillari hamda sayyohlar jam bo`lishgan. Ular dunyodagi eng uzun sharfni ko`rish uchun to`planishdi. Sharfni yaratish jarayoni joriy yilning 14 fevral sanasidan boshlangan va u deyarli 5 oy muddatda tayyor bo`ldi. U Ginnesning rekordalar kitobiga dunyodagi eng uzun ro`mol sifatida kiritildi. Shundan so`ng odamlar mazkur voqeani bayram sifatida nishonlashni boshlab yuborishgan.
Sharfning uzunligi 1100 metrni tashkil qiladi. Uni yaratishda yuzlab ko`ngillilar va mutahassislar ishtirok etishgan. Endilikda ushbu sharfdan Pnompen ko`chalarida quyoshdan saqlovchi vosita sifatida foydalaniladi.
