Turkmaniston Prezidenti Gurbanguli Berdimuhamedov bugun Tataristonga tashrif buyurib, respublika prezidenti Rustam Minnixanov bilan uchrashadi.
Safar chog`ida Turkmaniston rahbari Tatariston sanoat salohiyati ko`rgazmasi bo`lib o`tadigan “Ideya” texnoparkiga, tibbiyot trenajyor-simulyatorlari ishlab chiqariladigan “Eydos-Medisina” markaziga tashrif buyuradi.
O`z navbatida, Kremlda rasmiy uchrashuv tashkil etilib, unda neft, avtomobil sanoati, kadrlar tayyorlash kabi sohalarda o`zaro hamkorlik qilish masalalari ko`rib chiqiladi.
Tashrif doirasida Turkmaniston Prezidenti “Kazan-Arena” stadionida JCh-2018 chorak finali doirasida bo`lib o`tadigan Belgiya – Braziliya o`yinini tomosha qiladi.
