Туркманистон Президенти Гурбангули Бердимуҳамедов бугун Татаристонга ташриф буюриб, республика президенти Рустам Минниханов билан учрашади.
Сафар чоғида Туркманистон раҳбари Татаристон саноат салоҳияти кўргазмаси бўлиб ўтадиган “Идея” технопаркига, тиббиёт тренажёр-симуляторлари ишлаб чиқариладиган “Эйдос-Медицина” марказига ташриф буюради.
Ўз навбатида, Кремлда расмий учрашув ташкил этилиб, унда нефть, автомобиль саноати, кадрлар тайёрлаш каби соҳаларда ўзаро ҳамкорлик қилиш масалалари кўриб чиқилади.
Ташриф доирасида Туркманистон Президенти “Казань-Арена” стадионида ЖЧ-2018 чорак финали доирасида бўлиб ўтадиган Бельгия – Бразилия ўйинини томоша қилади.