Qozog`istonning Chimkent shahridagi avtomobillarga mo`ljallangan jarima maydonchasida kuchli yong`in sodir bo`lishi oqibatida 45 ta transport vositasi yonib ketgan, deb xabar bermoqda Tengrinews.
Yong`in 15 iyul kuni sodir bo`lgan. Favqulodda vaziyatlar idorasining ma`lum qilishicha, avvaliga KamAZ rusumidagi mashina yonib, undagi olov boshqa avtomobillarga, so`ngra ikki qavatli mebel sexiga o`tgan.
Tungi yong`in ikki soat mobaynida 76 o`t o`chiruvchi va 17 ta ixtisoslashtirilgan texnika yordamida bartaraf etildi.
Biroq o`tgan vaqt ichida utilizasiyaga mo`ljallangan 35 ta va haydovchilari jarimaga tortilgan 10 ta avtomobil yonib bo`lgan edi.
Yong`in maydoni 294 kvadrat metrni tashkil qildi. Qurbonlar va jabrlanganlar yo`q.