Rossiya prezidenti Vladimir Putin va Ukraina prezidenti Pyotr Poroshenko telefon suhbati davomida Ukraina sharqidagi xunrezliklarni to`xtatish choralarini muhokama qilishdi. Bu haqda “RIA Novosti” agentligi xabar bermoqda.
“Davlat rahbarlari tomonidan Ukrainadagi xarbiy va gumanitar bo`hron muhokama qilindi. Prezidentlar Ukraina sharqidagi xunrezliklarni to`xtatish uchun qilinadigan ishlar bo`yicha fikr almashishdi”,-deydi Rossiya hukumati matbuot kotibi Dmitriy Peskov.
“Ikki mamlakat prezidentining og`ir vaziyatdan chiqish to`g`risidagi takliflari qaysidir darajada bir-biriga to`g`ri keldi”,-deya qayd qilib o`tdi matbuot kotibi.
