3 sentyabr kuni Yaponiya vazirlar mahkamasi iste`fo berdi. Shu kunning o`zida Yaponiya imperatori mamlakat bosh vaziri Sindzo Abe tomonidan taqdim etilgan hukumatning yangi tarkibini tasdiqladi. Bu haqda ITAR-TASS agentligi xabar bermoqda.
Bosh vazir 11 nafar vazirni o`zgartirdi. Ammo, Tashqi ishlar vaziri Fumio Kisida, bosh vazir o`rinbosari hamda moliya vaziri Taro Aso va vazirlar mahkamasi bosh kotibi Yosixide Suga o`z lavozimlarida qolishdi.
Shuningdek, Yaponiya bosh vaziri Sindzo Abe 5 nafar ayolni vazir lavozimiga tayinladi. Xabarda yozilishicha, Abe shaxsan o`zi mamlakatning iqtisodiy va siyosiy rivojlanish ishlarida ayollar ishtirokini qo`llab-quvvatlamoqda.