Misrda ijtimoiy tarmoqlar orqali soxta va yolg`on xabar tarqatgan shaxslar javobgarlikka tortilishi mumkin.
Misr parlamenti ijtimoiy tarmoqlarda 5 mingdan ortiq obunachisi bo`lgan sahifa (kanal)larni ommaviy axborot vositasiga tenglashtiruvchi qonunni qabul qildi. Bu haqida Adliya vazirligining “Huquqiy axborot” kanali xabar qilmoqda.
Qonunga muvofiq, soxta va yolg`on xabarlarni tarqatganlarning sahifasi to`sib qo`yiladi va o`zlari javobgarlikka tortiladi.
Qonunni nazorat qilish OAV faoliyatini muvofiqlashtirish bo`yicha Oliy kengashga yuklandi.
Bundan tashqari, OAV faoliyatini muvofiqlashtirish bo`yicha Oliy kengashning roziligisiz yangi sayt yaratish taqiqlanadi.
Oliy kengash, o`z navbatida, mavjud saytlarni bloklash yoki ularni jarimaga tortish huquqiga ega.
