Pokistonda musson yomg`irlari oqibatida vafot etganlar soni 110 nafarni tashkil etdi. Bu haqda "Associated Press" agentligi xabar bermoqda.
Agentlikning xabar qilishicha, mamlakatning shimoliy-sharqiy qismidagi Panjob va Kashmirning Pokistondagi qismlari katta zarar ko`rdi. U erda o`nlab ko`priklar vayron bo`lgan.
Qutqaruv ishlarida mingga yaqin qutqaruvchi, polisiya xodimlari va harbiylar ishtirok etishmoqda.
Hukumat tomonidan yomg`irdan jabrlanganlarga tibbiy yordam ko`rsatish punktlari va palatkali lagerlar tashkil qilindi.
Yaqin kunlarda yomg`ir va suv toshqinlari kuchayishi kutilmoqda.