Dushanbada Gresiyaning Kallitexnupoli, Dau Pentelis, Neo Vutza, Mati, Rafina kabi hududlarida yirik o`rmon yong`inlari yuzaga keldi.
O`nlab uylar yonib ketgan, Attika g`arbidagi Kineta hududida o`ta murakkab vaziyat saqlanib qolmoqda. Yuzlab o`t o`chiruvchilar, yong`in xavfsizligi aviasiyasi samolyotlari va vertolyotlari tabiiy ofatga qarshi kurashmoqda. Mamlakatning Afina-Korinf milliy avtotrassasi yopib qo`yilgan. Gresiya dengiz kuchlari yordamida 760 kishi xavfsiz joylarga ko`chirilgan.
ERT (Gresiya jamoatchilik televideniyasi) sodir bo`lgan falokatni milliy fojea deb atadi. Hozirda vaziyat nazoratdan chiqib ketgan. Attikada favqulodda holat e`lon qilingan.
OAVning so`nggi ma`lumotlariga ko`ra, Gresiyada o`rmon yong`inlari oqibatida 24 kishi halok bo`lgan, jabrlanganlar 156 nafar, ular orasida 16 bola bor.
