Hosil - 2018, Abiturient - 2018, Hashar - 2018 kabi va h.z.yozuvlarga ko`zingiz tushgan bo`lsa kerak. Pora - 2018 — tasvirdagi poraxo`rning qo`llariga tuqazadigan maxsus pullar... Bu haqda "O`zbekiston" telekanalida maxsus ko`rsatuv namoyish etildi.
Yil boshidan ishga qabul qilish jarayonlarida 128 ta korrupsiya holatlari aniqlandi. Bulardan tibbiyot sohasida - 47 ta, firibgarlar tomonidan huquq-tartibot idoralariga ishga olib kirish holatlari bo`yicha - 27ta, ishlab chiqarish tarmoqlarida - 24 ta, ta`lim sohasida - 17 ta, boshqa sohalarda - 5 ta, firibgarlar tomonidan fuqarolarni chet elga jo`natish va joylashtirish - 8ta.
Hududlar keisimda oladirgan bo`lsak: Andijon, Farg`ona va Qashqadaryo viloyatlarida - 17 ta, Buxoro viloyatida - 14 ta, Navoiy viloyatida - 13 ta, Toshkent shahrida - 12 ta, Toshkent viloyatida - 8 ta, Namangan viloyatida - 7 ta, Qoraqalpog`iston va Samarqand viloyatida - 5 tadan, Sirdaryo va Xorazm viloyatlarida - 4 ta, Surxondaryo viloyatida - 3 ta, Jizzax viloyatida - 2 ta holat aniqlangan.
Bugun biz tilga olayotgan poraxo`rlar va ularning gumashtalari jamiyatning o`ta bir nozik xalqasiga bolta urmaganlarida buni gap deya olib chiqmasdik. O`zingizdan qolari gap yo`q. Bugun ishsizlik, bandlikni ta`minlash, jamiyatning ochiq qolayotgan, yashirib bo`lmay qolgan, yillar davomida madda bog`lagan yaralaridan biri.
Yurtdoshlarimiz ish topsin, malakasiga yarasha moyana olib qozonini qaynatsin, ro`zg`orini obod qilsin deya eng yuqori darajalarda ozmuncha jon kuydirilmoqdami. Ish o`rni yaratish deya, chet elga chiqqanda xorijlikning qosh-qovog`iga qarab o`tirmasin deya, migrasiyani tartibga solish yo`lida bir qancha choralar ko`rilmoqda.
Buyog`da esa ishga kiraman degan qorako`zning cho`ntagiga kimlardur qarab o`tirsa.
Misolga o`tamiz, ularni istagan viloyatlardan ko`plab keltirish mumkin.
Andijon viloyati Shahrixon tumanida istiqomat qiluvchi Hamidulla Ishoqov huquq tartibot idoralariga ariza bilan murojaat qilgan fuqaroning o`g`lini ichki ishlar tizimiga ishga kiritaman deb 2000 ming AQSh dollari, qarindoshi Arabovni Bosh prokuratura huzuridagi Majburiy ijro byurosiga ishga joylayman deb 2000 ming AQSh dollari so`raydi. “Hojatbaror” bu shovvoz Shahrixon tumanidagi supermarketda 4000 ming AQSh dollarini olayotgan vaqtda jinoyat ustida qo`lga tushadi.
Bosh Prokuratura huzuridagi iqtisodiy jinoyatlarga qarshi kurashish departamenti tomonidan o`tkazilgan tezkor tadbirda O`ktam Hayitov ismli fuqaro o`z yurtdoshi Otabek Tursunovga Buxoro neftni qayta ishlash zavodiga ishga joylab qo`yishga va`da beradi va 1000 AQSh dollari so`raydi. Hayitovning iqroriga ko`ra bu pulni hech kimga bermoqchi bo`lmagan, balki o`z yurtdoshini to`nagan.
Yana bir tergov uchidan parcha, DXX hamda Bosh prokuratura huzuridagi departamentning hamkorlikdagi tadbirida uch farzandning onasi, oliy ma`lumotli To`eva Mahliyo Iskandarovna Otaxonov Anvarni ishonchiga kirib, harbiy xizmatga ishga kiritib qo`yishni va`da berib, 3500 ming AQSh dollari miqdoridagi pulni olayotganda qo`lga olinadi. Maxliyo To`eva ushbu pullarni Nizomjon Xujievga berishini aytadi. Xuddi shu usul bilan, ya`ni kimyoviy ishlangan pul bilan Nizomjon Xujiev ham qo`lga tushadi.
Shuningdek, Qorako`l tumanidagi 24-umumiy o`rta ta`lim maktabi direktori Karomat Muxtorov fuqaro Sattor Ergashevdan kelini Nigmatullaevani maktabga farrosh qilib ishga olish uchun 200 AQSh dollarini talab qiladi. Ish joyida 100 AQSh dollari va 400 ming so`mni olgan vaqtida ashyoviy dalillar bilan qo`lga tushadi
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...