AQShning 10 dan ortiq shtatida minglab bolalar virusning aniqlanmagan turi bilan kasallanishdi. Bu haqda Gazeta.ru sayti xabar bermoqda.
Virus rasman aniqlanmagan, ammo, kamdan-kam uchraydigan enterovirus turi ekanligi taxmin qilinmoqda.
Missuri, Kanzas, Illinoys, Kentukki, Ayova, Kolorado, Ogayo, Oklaxoma, Shimoliy Karolina va Jorjiya shtatlarida ushbu virus qayd etilgan.
“Virus shamollash kabi boshlanadi. Kasallikni o`tkazib yubormaslik uchun nafas olishni vaqtida tekshirish kerak”,-deydi shifokor.
Virus ayniqsa bolalar uchun juda xavfli, deyiladi xabarda.
Koloradodagi bolalar shifoxonasi 18 avgustdan 4 sentyabrgacha bo`lgan davr mobaynida 900 nafar bemorlarni ushbu tashxis bilan qabul qildi. Ulardan 86 nafari shifoxonada qoldirildi, ayrim bolalar esa reanimasiya bo`limiga tushishdi.