Hindiston va Pokistonda sodir bo`lgan suv toshqini oqibatida 440 kishi vafot etdi. Bu haqda “Rossiya 24” telekanali xabar bermoqda.
O`n minglab uylar vayron bo`lgan, elektr toki va aloqa yo`q, poezdlar harakati to`xtagan. Ayrim yashash joylarida suv 4 metrgacha ko`tarildi. Bir qavatli binolarning barchasini esa suv bosdi.
Qayiq va vertolyot yordamida tabiiy ofat sodir bo`lgan huddudlarga dori-darmonlar etkazib berilmoqda. Yaralanganlarga tibbiy yordam ko`rsatilib, jabrlangarlar vaqtinchalik palatkali lagerlarga joylanmoqda.
Eslatib o`tamiz, suv toshqinlarini ushbu ikki mamlakatda kuzatilgan musson yomg`irlari keltirib chiqardi.