Kelib chiqishi eronlik bo`lgan Britaniya fuqarosi voleybol uchrashuvini tomosha qilgani uchun ikki oyga ozodlikdan mahrum qilindi, deb xabar beradi Independent nashri.
25 yoshli G`oncheh G`avomiy erkaklar bo`yicha Eron va Italiya terma jamoasi uchrashuviga kirish vaqtida bir guruh qizlar bilan qo`lga olingan. Uchrashuv 20 iyun kuni bo`lib o`tgan. Keyinchalik polisiya xodimlari voleybol muxlisasini qo`yib yuborishdi. Ammo, u shaxsiy buyumlarini olib ketgani polisiya mahkamasiga tashrif buyurganida uni yana hibsga olishdi. Bu safar esa u Tehrondagi qamoqxonaga yuborildi. Xabarda yozlishicha, u erga asosan siyosiy mahbus va jurnalistlarni yuborishar ekan.
Ma`lum bo`lishicha, G`avomiy Erondagi erkaklar musobaqalarini ayollar tomosha qilishini taqiqlovchi qonunga qarshi chiquvchi, mashhur namoyishchi bo`lgan.