Uch nafar voyaga etmagan bolani o`ldirgan Zohid Otaboev umrbod qamoq jazosiga mahkum qilindi (video)

Jinoyat 06.08.2018, 10:53
Uch nafar voyaga etmagan bolani o`ldirgan Zohid Otaboev umrbod qamoq jazosiga mahkum qilindi (video)

Toshkent viloyatining Oqqo`rg`on tumani Xonobod mahallasidagi aholini 8 yil davomida dahshatli qo`rqinch va xavotir egallab olgan edi. Mahallada birin-ketin voyaga etmagan bolalar bedarak yo`qola boshlaydi. Odamlar orasida “manyak” paydo bo`lganligi haqida vahimali gap so`zlar tarqaladi.

Hattoki, o`sha yillari bu voqealar sabab ayrim oilalar mahalladan butunlay ko`chib ketadi. Qidiruvlar, surishtiruvlar natija bermas. Bolalar esa go`yoki tuman kabi hech bir issiz g`oyib bo`lishardi.

Mahalla aholisi bilmasdiki, norasida go`daklar nola chekishga ulgirmasidanoq vahshiylarcha o`ldirilib, mahalladagi xonadonlardan biri Otaboevlar hovlisiga, axlatlar ostiga ko`mib tashlangan edi. Bunday shavqatsiz jinoyatlarni shu joyda yashab, har kuni qo`ni-qo`shnilar bilan salom-alik qilib yurgan Zohid Otaboev tomonidan sodir etilganligi hech kimning etti uxlab tushiga ham kirmagan edi.

Ko`pchilikda jinoyatga sabab nima ekan? Bunday vahshiylikning tagida qanday sir-sinoat bor ekan degan savol tug`ilishi tabiiy. U o`ch olish maqsadida bu qotilliklarga qo`l urdi.

Huquq tartibot idoralari tomonidan qidiruv va surishtiruvlar olib borildi. Bosh prokuraturaning o`ta og`ir jinoyatlarni tergov qilish boshqarmasi tomonidan bu dahshatli jinoyat uch kunda fosh etildi.

Uch nafar voyaga etmagan bolani o`ldirgan Zohid Otaboev umrbod qamoq jazosiga mahkum qilindi.

Jinoyatning to`liq tafsilotlarini O`zbekiston Bosh prokuraturasi huzuridagi multimedia markazi tomonidan tayyorlangan lavhada ko`ring.


Sharhlar

Ob-havo: Toshkent
Valyuta kursi
1