Buxoro viloyatining Kogon shahrida noxuj voqea yuz berdi. Bu haqda O`zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
Qayd etilishicha, 2018 yil 9 oktyabr kuni Qorovulbozor tumanida yashovchi K.A. mast holda tanishi D.R. (ismli ayol)ning uyida o`zaro janjal sabab shu uyda yollanib ishlovchi N.V. (ismli ayol)ning badanining turli joylariga urib-tepib jarohat etkazgan.
Natijada N.V. kasalxonaga keltirilganida vafot etgan.
K.A. qo`lga olingan. Holat yuzasidan jinoyat ishi qo`zg`atilib, tergov harakatlari olib borilmoqda.