"O`zbektelekom": shaharlararo aloqa uchun yagona tarif tizimi yo`lga qo`yildi

"O`zbektelekom" aksiyadorlik kompaniyasi rasmiy saytida shaharlararo aloqa uchun yagona tarif tizimi yo`lga qo`yilganligi e`lon qilinadi.

Ushbu xabarda ma`lum qilinishicha, “O`zbektelekom” aksiyadorlik jamiyatining barcha mahalliy telefon aloqasi abonentlari shaharlararo qo`ng`iroqlarni amalga oshirish uchun qayd etilgan yagona tarifdan foydalanadi. Ilgari shaharlararo qo`ng`iroqlar narxi ulanayotgan shaharlar oralig`idagi masofadan kelib chiqib daqiqasiga 40 so`mdan 90 so`mgacha edi, endi ularning qiymati O`zbekiston bo`ylab daqiqasiga 12 so`mni tashkil etadi.