AQShning Florida shtati sohillariga etib kelgan “Maykl” dovuli mamlakatga 30 mlrd. dollarlik iqtisodiy ziyon etkazadi, deya xabar bermoqda Lenta.ru nashri.
Ziyon qiymatiga turar-joy, xo`jalik binolari hamda boshqa inshootlar ko`rgan talofatlar bilan birga tabiiy ofat sababli turli biznes va savdo-sotiqning to`xtab qolgani ham qo`shib hisoblangan. Kuchli shamol tufayli daraxtlar va ustunlarning ag`anashi elektr uzatish liniyalari uzilishiga olib kelishi mumkin. Bu esa zarar qiymatini yanada oshiradi. So`nggi ma`lumotlarga ko`ra, tabiiy ofat hududidagi shamol tezligi 240 km/soatni tashkil qilmoqda. Dovul 4-darajaga etib keldi. Hozirda Florida, Alabama va Jorjiya shtatlarida favqulodda vaziyat tartibi kiritilgan. Jorjiya gubernatori Neytan Dilning ma`lum qilishicha, milliy gvardiyaning 1,5 mingga yaqin jangchisi qutqaruv va tiklash ishlarini shay holatga keltirilgan.
