Farg`ona viloyatining Uchko`prik tumanida shu yil 6 dekabr kuni noma`lum haydovchi aniqlanmagan avtomashinani Kattaqashqar qishlog`i hududida haydab ketayotib, velosipedda ketayotgan shu qishloqda yashagan O.A.ni urib yuborib, voqea joyidan ketib qolgan.
Natijada O.A. jarohat olib, kasalxonaga yotqizilgan va ko`rsatilgan tibbiy muolajalarga qaramay shu erda vafot etgan. Holat yuzasidan jinoyat ishi qo`zg`atilgan edi.
Ko`rilgan choralar natijasida ushbu yo`l-transport hodisasini Uchko`prik tumanida yashovchi O.X. o`z boshqaruvidagi “GAZ-53” rusumli yuk avtomashinasida sodir etganligi aniqlanib, ushlangan.
O`zbekiston Respublikasi IIV Jamoatchilik va OAV bilan aloqalar boshqarmasi xabar berishicha, tergov davom etmoqda.
