Noqonuniy yo`llar bilan olib kirishga urinilayotgan tovar-moddiy boyliklar mamlakatimiz iqtisodiyoti hamda sog`lom raqobat muhitiga ziyon etkazishi mumkin.
Andijon viloyati bojxona boshqarmasi Kontrabanda va bojxona qonunchiligiga qarshi kurashish bo`limi xodimlari IIB xodimlari bilan hamkorlikda o`tkazilgan navbatdagi tezkor tadbir davomida qonunbuzarlik holatiga chek qo`yishdi.
O`zbekiston Respublikasi fuqarosi I.A. boshqaruvidagi “Damas” rusumli avtotransport vositasi “Jalaquduq-Andijon” yo`nalishi bo`ylab harakatlanayotgan vaqtda tegishli tartibda to`xtatilib xolislar ishtirokida ko`zdan kechirildi. Natijada, avtomashina salonida xorijda ishlab chiqarilgan, muqaddam yurtimizga noqonuniy yo`llar bilan olib kirilgan qiymati salkam 31 million so`mlik 51 dona changyutkichlar borligi aniqlandi.
Hozirda holat yuzasidan tekshiruv harakatlari olib borilmoqda.
