Xorazm viloyati Xonqa tumanining “Olaja” qishlog`i “Oydin Hayot” mahallasidagi yashirin sexda 17 tonnadan ortiq neft mahsulotlari saqlanayotgani aniqlandi. Bu haqda O`zbekiston Soliq qo`mitasi matbuot xizmati xabar qildi.
Ushbu maxfiy sex xolislar ishtirokida ko`zdan kechirilganida, «Yangi turmush» mahallasida yashovchi H.B. bu erda bitum mahsulotini ishlab chiqarayotgani, biroq sexga tegishli hech qanday hujjatlar yo`qligini ma`lum qildi.
Qayd etilishicha, nonuniy tartibda dalolatnoma tuzilib, xolislar ishtirokida yashirin sexda mavjud bo`lgan 16 turdagi, jami umumiy qiymati 35 mln. 893 ming so`mlik tovar-moddiy boyliklar ashyoviy dalil sifatida vaqtincha olib qo`yildi.
Xabarda ushbu holat yuzasidan to`plangan hujjatlar tegishliligi bo`yicha Iqtisodiy jinoyatlarga qarshi kurashish departamenti Xonqa tumani bo`limiga yuborilgani ma`lum qilingan.
