Toshkent xalqaro aeroporti chegara bojxona posti xodimlari mamlakatimizga olib kirilishi taqiqlangan psixotrop dori vositalarini o`z vaqtida aniqlab, qonunbuzarlarning noqonuniy faoliyatiga chek qo`yishmoqda.
Jumladan, «Istambul-Toshkent» yo`nalishi bo`yicha uchib kelgan fuqarolar K.A., K.U. hamda K.S. lar belgilangan tartibda bojxona ko`rigidan o`tkazilganda, ularning sumkalari ichida narxi taxminan 6 million so`mni tashkil qilgan jami 42 dona konvalyutada “PERGE Pregabalin 300 mg” (Lirika) nomli dori vositalari borligi aniqlangan.
Shuningdek, chegara bojxona posti xodimlari “Almata-Toshkent” yo`nalishi bilan uchib kelgan fuqaro Sh.M. ning bagajlarini nazorat tartibida tekshirishganda, ularning ichida 352 ta sifati kafolatlanmagan dori vositalari borligi aniqlangan.
Hozirda ushbu holatlar yuzasidan tekshiruv ishlari davom etmoqda.
