O`zbekiston Respublikasi Prezidenti Shavkat Mirziyoev 2019 yilning 20 may kuni Xalq ta`limi vaziri o`rinbosarini tayinladi.
Prezident qaroriga ko`ra, Temurjon Komilov Xalq ta`limi vaziri o`rinbosari lavozimini egallagan. U xalq ta`limi sohasida moliyaviy-iqtisodiy masalalarga mas`ul hisoblanadi.
Temurjon Komilov xalqaro iqtisodiy munosabatlar yo`nalishi bo`yicha Jahon iqtisodiyoti va diplomatiya universitetida 2004 yil bakalavriyat va 2006 yili magistraturani tamomlagan. 2005-2017 yillarda davlat organlarida faoliyat yuritgan.
2017 yildan O`zbekiston Respublikasi Hisob palatasida ishlab kelgan. 2018 yilda u Hisob palatasining Byudjet tizimi byudjetlari shakllantirilishi va xarajat qismi ijro etilishini nazorat qilish sho``basi bosh inspektori lavozimida ishlab kelgan.
Temurjon Komilov avvalgi o`rinbosar Otabek Nazirovning o`rnini egalladi. Otabek Nazirov 2019 yil yanvar oyida Kapital bozorini rivojlantirish agentligi direktori etib tayinlangandi.
