2018 yilning 16 sentyabr kuni Byuroning G`uzor tuman bo`limi davlat inspektorlari tumandagi "Do`ltali" MFY, Do`ltali qishlog`ida xizmat vazifasini bajarish vaqtida shu qishloqda yashovchi fuqaro Ch.Eshonqulov yashash xonadanida elektr energiyasi tarmog`iga to`g`ridan-to`g`ri ulangan holda foydalanayotganligi aniqlab, bu haqida qoidabuzarlik dalolatnomasi rasmiylashtiradi.
Mazkur qoidabuzarlik natijasida fuqaro Ch.Eshonqulov ta`minotchi korxona manfaatlariga 1.780.702 so`m miqdorida zarar etkazdi hamda O`zbekiston Respublikasi MJtKning 101-moddasida nazarda tutilgan huquqbuzarlikni sodir qilganligi uchun eng kam oylik ish haqining besh baravari miqdorida, ya`ni 921.500 so`m miqdorida jarimaga tortildi.
Biroq, fuqaro Ch.Eshonqulov etkazilgan zarar va jarimani to`lab, tegishli xulosa chiqarish o`rniga o`z qoidabuzarlik harakatlarini davom ettirdi.
Xususan, 2018 yil 17 dekabr kuni uning yashash xonadonida qayta elektr energiyasidan noqonuniy ravishda to`g`ridan-to`g`ri foydalanayotganligi holati davlat inspektori J.Chorshanbiev tomonidan aniqlandi va ushbu holatni davlat inspektori rasmiylashtirayotgan vaqtda, Ch.Eshonqulov o`z aybini tan olish o`rniga davlat inspektoriga keskin qarshilik ko`rsatib, uni belkurak bilan urib, og`ir tan jarohati etkazdi.
Natijada, 2019 yil 16 may kuni Jinoyat ishlari bo`yicha G`uzor tuman sudi tomonidan sudlanuvchi Chori Eshonqulov O`zbekiston Respublikasi Jinoyat kodeksining 219-moddasi 1-qismi va 185-2-moddasi 1-qismida nazarda tutilgan jinoyatni sodir etganlikda aybli deb topilib, unga nisbatan 1 yil 6 oy axloq tuzatish ishlari tayinlandi.
