Majburiy ijro byurosi tomonidan energiya resurslaridan noqonuniy foydalanish holatlariga qarshi murosasiz kurashib kelinmoqda va bunday holatlarni aniqlash yuzasidan muntazam ravishda tezkor tadbirlar o`tkazib kelmoqda.
Toshloq tumani, Qanjirg`a mahallasida yashovchi fuqaro Q.Toshboltaev yashash uyida elektr energiyasi iste`moliga mo`ljallangan maishiy texnika va ishlab chiqarish dastgohlari ko`p bo`lganligi sababli elektr energiyasidan “ellikka-ellik” foydalanishni ma`qul ko`rdi.
Xususan, u 2017 yil yanvar oyida elektrni hisobga olish priboriga kelgan elektr kabelidan elektr hisoblagichning orqa tarafi orqali noqonuniy alohida tarmoq tortib yashash uyidagi eng ko`p quvvatli texnika jihozlariga ulab foydalanib kelgan.
O`tkazilgan qayta hisob-kitob natijasida huquqbuzar Q.Toshboltaev davlat manfaatlariga 33 mln. 444,2 ming so`m miqdorda moddiy zarar etkazganligi aniqlangan.
Byuroning Toshloq tuman bo`limi tomonidan huquqbuzarga O`zbekiston Respublikasi JKning 1852-moddasi mazmun-mohiyati tushuntirilib, birinchi marta jinoyat sodir etgan shaxs, agar u jinoyat aniqlangan kundan e`tiboran o`ttiz kunlik muddatda etkazilgan moddiy zararning o`rnini qoplagan bo`lsa, javobgarlikdan ozod etilishi mumkinligi ma`lum qilingan.
O`z harakatlari mohiyatini to`liq anglagan Q.Toshboltaev unga berilgan qonundagi imkoniyatdan to`liq foydalanib, 33 mln. 444,2 ming so`mlik moddiy zararni qoplagan va shunga ko`ra ayblilik masalasini hal qilmay turib jinoyat ishi qo`zg`atishni rad qilish haqida qaror qabul qilingan.
