my5
all

Ozodbek Nazarbekov: «Konsertni to`xtatishimga Yulduz Usmonovaning aloqasi yo`q»

Shou-biznes 15.08.2019, 15:50
Теглар: Foto, ​Ozoda Nursaidova
3784
Ozodbek Nazarbekov: «Konsertni to`xtatishimga Yulduz Usmonovaning aloqasi yo`q»

O`zbekiston Respublikasi madaniyat vazirining birinchi o`rinbosari Ozodbek Nazarbekov "Daryo" nashriga intervyu berdi.

Ozodbek Nazarbekov 2017 yilda konsert bermasligini e`lon qilganida, muxlislar orasida «Ozodbek Nazarbekov konsert faoliyatini yakunlashiga Yulduz Usmonovaning sahnaga qaytishi sabab bo`ldi», mazmunidagi gap-so`zlar tarqalgan edi. Jurnalist Feruz Muhammad bilan suhbatda san`atkor ushbu savolga batafsil javob bergan.

— San`atsevar xalqimiz uchun Yulduz Usmonovaning sahnaga qaytishi juda katta bo`shliqni to`ldirganini e`tirof etishim mumkin. Lekin konsertni to`xtatishimga Yulduz Usmonovaning aloqasi yo`q. O`zi umuman bu hodisani Yulduz Usmonovaning sahnaga qaytishi bilan bog`lash juda ham noo`rin bo`lsa kerak. 2017 yilda Xalqlar do`stligi san`at saroyida bo`lib o`tishi kerak bo`lgan konsert kunlarimni o`z ixtiyorim bilan Yulduz Usmonovaga taqdim etganman, - deydi Ozodbek Nazarbekov. — Ushbu yil hali Madaniyat vazirligida lavozimga tayinlanishim yoki "Yoshlar" teleradiokanaliga direktor bo`lishim haqida ham gap-so`z yo`q edi. Asosan bahor oyida konsert kunlarini band qilar edik. O`sha yilda shunchaki sahnaning munosib egasi qaytganligi, men ham konsert faoliyatimni shu yilda to`xtatsam, muxlislar uchun juda katta bir o`zgarish bo`lmasligi, o`sha bo`shliqni Yulduz Usmonova bemalol, ortig`i bilan to`ldirishi mumkinligini o`ylagan holda, o`zim qaror qilganman. 2017 yilda dam olish maqsadi bo`lgan, bu degani ‘konsert faoliyatimni butunlay to`xtataman, bundan keyin umuman konsert bermayman, degan maqsad bo`lmagan. Konsert dasturini tashkil qilib yurganlar meni juda yaxshi tushunishadi, bu jarayon juda katta, mashaqqatli mehnatni talab qiladi. Buning mas`uliyati juda ham og`ir. To`g`risi, mana shu katta mashaqqatli mehnatdan bir yil bo`lsa ham dam olish ma`nosida shu qarorni qabul qilgan edim.

Шарҳлар

Sirdaryodan maxsus reportaj: Xalq artistlari xalq xizmatiga keldi… (Foto)

23.05.2020, 12:43

Bugun ko`ngillarni obod qilaman degan har kimning yo`li Sirdaryo viloyatiga tutashishi aniq. Texnogen ofat chin ma`noda butun millatni oyoqqa turg`izdi, bir tan-u bir jon bo`lishga...
Prezident Sardobada: 1480 xonadondan iborat 37 ta uyning poydevoriga tamal toshi qo`yildi (Foto)

15.05.2020, 14:27

O`zbekiston Respublikasi Prezidenti Shavkat Mirziyoev 15 may kuni Sirdaryo viloyatiga keldi.Ma`lumki, joriy yil 1 may kuni Sardoba suv ombori to`g`onining bir qismi o`pirilib, yondosh tumanlardagi...
Shimoli-g`arbiy harbiy okrug harbiylari sirdaryoliklarga yordam berishni boshladi (Foto)

05.05.2020, 12:22

3 may kuni Shimoli-g`arbiy harbiy okrugdan 300 nafardan ortiq harbiy xizmatchilar hamda 20 ga yaqin harbiy va maxsus texnika Sirdaryo viloyatining Sardoba suv omborida sodir...
Qashqadaryoda fotoqopqonga tushgan qor qoplonining suratlari e`lon qilindi

29.04.2020, 12:46

Qashqadaryo viloyati Hisor davlat qo`riqxonasiga  o`rnatilgan fotoqopqonga qor qoplonining noyob kadrlari tushib qoldi.Qor qoploni O`zbekistonning yuqori qor tizmalarida yashovchi jonivor bo`lib, sayyoradagi hayvonot olamining kamyob turlaridan biri...