Turkiyaning Anqara shahrida davom etayotgan ITF turkumiga kiruvchi xalqaro tennis turnirida hamyurtimiz Oqgul Omonmurodova chorak finalga yo`l oldi, deya xabar bermoqda O`zA.
O.Omonmurodova yakkalik bahslarining birinchi davrasida fransiyalik Osian Dodinni mag`lubiyatga uchratgan edi. U turnirning ikkinchi davrasida ruminiyalik raqibi Patrisiyu Mariyu Tig ustidan 7:5, 7:6 hisobida g`alaba qozonib, chorak finalga chiqdi.
Tennischimiz navbatdagi bosqichda belgiyalik Isalin Bonaventurga qarshi bahs olib boradi.
