Туркиянинг Анқара шаҳрида давом этаётган ITF туркумига кирувчи халқаро теннис турнирида ҳамюртимиз Оқгул Омонмуродова чорак финалга йўл олди, дея хабар бермоқда ЎзА.
О.Омонмуродова яккалик баҳсларининг биринчи даврасида франциялик Осиан Додинни мағлубиятга учратган эди. У турнирнинг иккинчи даврасида руминиялик рақиби Патрицию Марию Тиг устидан 7:5, 7:6 ҳисобида ғалаба қозониб, чорак финалга чиқди.
Теннисчимиз навбатдаги босқичда бельгиялик Исалин Бонавентурга қарши баҳс олиб боради.
