Jahon savdo tashkiloti AQShga Evropa Ittifoqining mahsulotlari va xizmatlariga 7,5 milliard dollar miqdorida bojlar kiritishga ruxsat berdi. Bu haqda Euronewsnashri xabar berdi.
Ma`lumotlarga ko`ra, Buyuk Britaniya, Germaniya, Ispaniya va Fransiya Jahon savdo tashkiloti qoidalariga zid ravishda Airbus korporasiyasiga subsidiya ajratib kelgan. Tomonlar o`rtasidagi ushbu masaladagi tortishuv 15 yildan buyon davom etib kelayapti. O`z navbatida esa Evropa Ittifoqi Qo`shma shtatlarni Boeing kompaniyasiga preferensiyalar ajratayotganlikda ayblamoqda va buning uchun AQShga nisbatan javob choralarni qo`llash niyatida.
Bundan avval rasmiy Vashington 18 oktyabr kunidan e`tiboran EIdan etkazilayotgan samolyotlarga bojlarni 10 foizga, qator sanoat va qishloq xo`jaligi mahsulotlariga esa 25 foizga oshirishni ma`lum qilgan edi. Hozirda AQShning EI bilan savdo balansidagi defisit judda katta. Bu esa Amerikaning Evropaga eksport hajmi Evropa mahsulotlarining Qo`shma Shtatlarga importidan kam ekanligini anglatadi.
