Polshalik motopoygachi Mixal Xernik (Michal Hernik) “Dakar-2015” rallisida halok bo`ldi, deya xabar bermoqda Deutsche Welle. Falokat 6 yanvar kuni uchinchi bosqichida San-Xuan va Chilesito aholi yashash punktlari oralig`ida ro`y bergan.
Nashr ma`lumotiga ko`ra, 39 yoshli sportchining tanasi mahalliy vaqt bilan 16:03da trassadan 300 metr uzoqlikdan topilgan. Ralli direktori Eten Lavin (Etienne Lavigne) sportchi bosh kiyimisiz bo`lganligini xabar qilgan. Uning so`zlariga ko`ra, falokat izlari kuzatilmagan, motosikl ham talofat ko`rmagan.
