Польшалик мотопойгачи Михал Херник (Michal Hernik) “Дакар-2015” раллисида ҳалок бўлди, дея хабар бермоқда Deutsche Welle. Фалокат 6 январ куни учинчи босқичида Сан-Хуан ва Чилесито аҳоли яшаш пунктлари оралиғида рўй берган.
Нашр маълумотига кўра, 39 ёшли спортчининг танаси маҳаллий вақт билан 16:03да трассадан 300 метр узоқликдан топилган. Ралли директори Этьен Лавинь (Etienne Lavigne) спортчи бош кийимисиз бўлганлигини хабар қилган. Унинг сўзларига кўра, фалокат излари кузатилмаган, мотоцикл ҳам талофат кўрмаган.
