2019 yil 20 oktyabr kuni “Youtube.com”saytidagi kanallarning biriga “SURXONDARYo GAIlari namanganlik haydovchiga noxaqlik qilishdi” nomi bilan videotasvir joylashtirilgan edi.
Ushbu holat yuzasidan Surxondaryo viloyati Ichki ishlar boshqarmasi bergan ma`lumotga ko`ra, 2019 yil 19 oktyabr kuni viloyat IIB Yo`l harakati xavfsizligi boshqarmasi YPX inspektori M-39 avtomobil yo`lining Sherobod tumani hududidan o`tuvchi 1388-km.da xizmat olib borayotgan vaqtida, davlat raqam belgisi 50 766 ABA bo`lgan “MAN” rusumli yuk avtomashinasi “Kallamazor” aholi yashash punktida yuqori cheklangan tezlik 70 km/s bo`lgan yo`lda 91 km/s tezlik bilan harakatlanib kelayotganligi uchun YPX inspektori tomonidan to`xtatilgan.
O`z navbatida, yuk avtomashinasi haydovchisiga sodir etgan qoidabuzarligi tushuntirilib, unga nisbatan O`zbekiston Respublikasi Ma`muriy javobgarlik to`g`risidagi kodeksning 281-moddasi hamda O`zbekiston Respublikasi ichki ishlar vazirining 2011 yil 31 may kunidagi 68-sonli buyrug`i talablari asosida ma`muriy bayonnomani rasmiylashtirilgan.
Haydovchi ma`muriy bayonnoma bilan tanishib, imzo qo`ygan va undan avval esa haydovchining talabiga asosan uning sodir etgan qoidabuzarligini isbotlovchi fotosurat ko`rsatilgan.
Ayni vaqtda haydovchining arizasiga binoan Sherobod tumani prokuraturasi tomonidan surushtiruv ishlari amalga oshirilmoqda.
