O`zbekiston Respublikasi Vazirlar Mahkamasining 2019 yil 22 oktyabrdagi 885-sonli qaroriga muvofiq, Hukumatning ba`zi hujjatlariga o`zgartirish va qo`shimchalar kiritildi.
Qarorga ko`ra, endi mehmonxonalar ichida va ularga tegishli joylarda (bar, mini-bar, kafe, restoran) alkogol mahsulotlari sotuvini yo`lga qo`yadigan bir necha stasionar chakana savdo nuqtasi uchun bitta ruxsat guvohnomasi beriladi.
Ta`kidlash joizki, Vazirlar Mahkamasining 2012 yil 28 martdagi 89-sonli qarori bilan tasdiqlangan Nizom bo`yicha mehmonxonalar va ularga tegishli joylarda alkogol mahsulotlari sotuvini amalga oshiruvchi barcha umumiy ovqatlanish korxonalari (bar, mini-bar, kafe, restoran)ning har biriga alohida ruxsat guvohnomasi olishi kerak edi.
Bir necha ruxsat guvohnomasi olish tartibining bekor qilinishidan asosiy maqsad mehmonxona biznesiga ko`rsatilayotgan xizmatlarni yanada yaxshilash va ularning sifatini zamonaviy standartlar hamda talablarga muvofiq oshirishdan iboratdir.
