Hozirda “O`zbekneftgaz” AJ tomonidan ishlatilmay, to`xtab turgan quduqlarni qaytadan tiklash maqsadida mukammal ta`mirlash ishlari jadallik bilan amalga oshirilmoqda. Bu haqda jamiyatning Axborot xizmati ma`lum qilmoqda.
Jumladan, joriy yilning 30 sentyabr kuni Qoraqalpog`iston Respublikasidagi “Shimoliy Berdaq” konining 42-sonli qudug`i qayta ta`mirlanganidan so`ng, kunlik hajmi 170 ming kubometrni tashkil etgan gaz oqimi olina boshlandi.
14 oktyabr kuni esa “Sharqiy Berdaq” konining 46-sonli qudug`idagi ta`mirlash ishlari natijasida kunlik hajmi 145 ming kubometrni tashkil etgan gaz oqimi olindi.
“Shimoliy Suzma” konining 9-qudug`idagi ta`mirlash ishlari samarasida kunlik hajmi 50 ming kubometrni tashkil etgan gaz oqimi olina boshlandi.
Hozirda uchala quduq ham qayta ishga tushdi.
Ushbu quduqlardan qo`shimcha kunlik 365 ming kub. metr gaz oqimi olinmoqda.
