Tezkor: Samarqandda kasalmand, etim bolani nega xo`rlashdi? (video)

Kecha, 30 oktyabr kuni ijtimoiy tarmoqlarda Samarqand shahridagi Hazora mahallasida etim bolani xo`rlashganligi to`g`risida video tarqaldi. Ko`rgan borki, nafrat va hayajonini berkita olmayapti. darakchi.uz voqega aniqlik kiritish maqsadida Bosh prokuratura bilan bog`landi. 

Ma`lum qilinishicha, Samarqand shahri bo`yicha IIO FMB xodimlari tomonidan tezkor surishtiruv ishlari olib borildi. 

Dastlabki tergovoldi tekshiruv davomida aniqlanishicha voqea 2019 yilning avgust oyida bo`lgan.

Samarqand shahar Ziyokorlar ko`chasida yashovchi 2001 yilda tug`ilgan fuqaro U.H. onasini nojo`ya so`zlar bilan haqorat qilib, gaplariga quloq solmasdan, alkogol va tamaki mahsulotlarini istemol qilishga ruju qo`ygan. 

Shu sababli U.H.ning onasi qarindoshi 1988 yilda tug`ilgan fuqaro I.H.ga o`g`lini tarbiyalash va to`g`ri yo`lga solib qo`yishni so`raydi

I.H. qarindoshi U.H.ni Spitamenshox ko`chasida joylashgan temirchilik  ustaxonasiga olib borib, u erda ukasi 1997 yilda tug`ilgan fuqaro I.I. bilan birgalikda turli jismlar ya`ni, velosiped  g`ildiragining charmi va arqon  bilan urib do`pposlaydi.

I.I. o`zi bilan birgalikda ustaxonada ishlovchi 2004 yilda tug`ilgan S.B.ga ushbu holatni videotasvirga olishini buyuradi.

2019 yilning oktyabr oyida 1983 yilda tug`ilgan fuqaro F.K. videotasvirdagi qonunbuzarlarga nisbatan chora ko`rilishi uchun Feysbuk ijtimoiy tarmog`ida ushbu holat aks etgan videoni tarqatib yuborgan.

Ayni paytda mazkur holat yuzasidan  Samarqand shahri bo`yicha IIO FMB Tergov bo`limi tomonidan tergovga qadar surishtiruv ishlari olib borilmoqda.

Tez orada darakchi.uz yakuniy natijalar haqida yana xabar beradi