Bugun joylarda sodir bo`layotgan voqea-hodimalarni tezkor ma`lum qilish va munosabat bildirishda blogerlar faol. Xususan, telegram kanalida Respublikamiz viloyatlari bo`ylab qo`yilgan “post”lar yuzasidan munosabat bildirildi:
“Aytamiz ham, qaytamiz ham qabilida ish tutish... Prezident topshirig`i bilan respublika bo`yicha o`nlab keraksiz postlar olib tashlanganida hammamiz quvongandik. Qolganlarida ham pasport tekshiruvidek dahmazalarga chek qo`yildi.
Bunday asabbuzarliklar, ayniqsa, vodiyliklarni zada qilib yuborgandi o`ziyam. Xudo ko`rsatmasin, pasportingiz uyda qolib ketsa bormi, taksidan tushirilardingiz-u, ortga qaytarib yuborilardingiz. Bunga o`zim ko`p guvoh bo`lganman.
Ammo uch yil o`tar-o`tmas yana eski hammom, eski tos. Yaqinda vodiyga borib keldim, perevaldagi post yana "strogiy"lashibdi. Uning oldida mashinalarning «probkasi» paydo bo`libdi.
Endi ilgarigidek yo`lovchilarni emas, haydovchilarni tekshirishyapti...
Qiziq! Oldin yo`lovchilarni tekshirishardi. Haydovchidan kimsan, nimasan, hujjating bormi, deb deyarli so`rashmasdi. Endi esa yo`lovchilar bilan ishlari yo`q. Ali Xo`ja, Xo`ja Ali-ku!
Davlat rahbariga "xo`p bo`ladi" deyishsa-da, postdagilarning bilgani bilgan ekan-da...” — deya izoh so`ralmoqda.
03.12.2019, 16:00
Avvalroq, viloyatlarning chegara hududlarida qayta tiklanayotgan “post”lar haqida ma`lumot berildi. Bir vaqtlar prezident buyrug`i bilan olib tashlangan postlar nega yana qaytadan tiklanmoqda?Ichki ishlar vazirligi axborot xizmati rahbari...