2019 yil 9 oktyabr kuni “Hurriyat” gazetasining 36-sonida chop etilgan “Yolg`iz ayolga zug`um” nomli maqola chop etilgan. Mazkur maqolada keltirilgan holatlar yuzasidan IIV o`rganish olib bordi va ma`lum qildi.
Aniqlanishicha, aslida 2019 yil 9 mart kuni viloyat hokimi rahbarligida Qorovulbozor tumani 18-sonli Bolalar musiqa va san`at maktabi binosida hokimiyat ishchi guruh a`zolari bilan yig`ilish o`tkazilganligi, R.Musurmonova shu kuni soat 11:45da maktab binosiga kelib yig`ilish zaliga kirmoqchi bo`lganida, tuman hokimiyati, prokuraturasi va IIB xodimlari zalda hokimiyat ishchi guruh a`zolari bilan yig`ilish boshlanganligi va yig`ilishga halaqit bermasligini tushuntirib, viloyat hokimini tashqarida kutib turishi mumkinligi haqida aytganlar. Biroq R.Musurmonova IIB xodimlarining qonuniy talablariga bo`ysunmasdan jamoat tartibini buzganligi uchun Qorovulbozor tumani “Cho`lquvar” MFY binosiga olib borilib, u bilan tushuntirish ishlari olib borilgan. Shunga qaramasdan R.Musurmonova MFY raisi bilan janjallashgan. Yuqoridagi holatlar tegishli tartibda rasmiylashtirilib, to`plangan hujjatlar qonuniy qaror qabul qilish uchun Qorovulbozor tumani Ma`muriy sudiga taqdim qilingan.
2019 yil 25 mart kuni Qorovulbozor tumani Ma`muriy sudi tomonidan R.Musurmonovaga nisbatan to`plangan hujjatlar ko`rib chiqilib, fuqaro R.Musurmonova O`zbekiston Respublikasi Ma`muriy javobgarlik to`g`risidagi kodeksning 194-moddasi 1-qismi, 195-moddasi va 40-moddasida ko`rsatilgan huquqbuzarliklarni sodir qilganlikda aybli deb topilgan.
Shuningdek, 2019 yil 24 iyun kuni fuqaro R.Musurmonova IIVning virtual qabulxonasiga murojaat qilib, 2019 yil 9 mart kuni Qorovulbozor tumanida Buxoro viloyati hokimining sayyor qabuliga kelgan vaqtida uni IIB xodimlari sayyor qabulga kirishiga to`sqinlik qilib, qo`pol munosabatda bo`lganliklarini bildirgan. R.Musurmonovaning IIV virtual qabulxonasiga yo`llagan ushbu murojaati yuzasidan o`tkazilgan xizmat tekshiruvi xulosasi yakuni bilan R.Musurmonovaning murojaatidagi vajlari o`z tasdig`ini topmaganligi hamda shu erda bo`lgan xodimlar tomonidan xizmat intizomi va qonun talablari buzilmagan, deb topilgan.
Fuqaro R.Musurmonovaning yashash joyi o`rganilganida, u o`z manfaatlari yo`lida mavjud muammolarini ijobiy hal qilish maqsadida mansabdor shaxslarga tuhmat qilib, yuqori turuvchi idoralarga ariza bilan murojaat qiluvchi fuqaro sifatida ta`riflanganligini inobatga olib, 2019 yil 11 oktyabr kuni IIV Tezkor-ma`lumotlar bazasidan tekshirilganida, R.Musurmonova shunday holatlar bilan bog`liq 3 marotaba ma`muriy va 2 marotaba jinoiy javobgarlikka tortilganligi aniqlandi.
Misol uchun, R.Musurmonova 2011 yil 31 iyul kuni mayor F.Shodievga nisbatan qonuniy chora ko`rishni so`rab, Qorovulbozor tumani prokuraturasiga yozgan arizasi yuzasidan to`plangan hujjatlar Qorovulbozor tumani Ma`muriy ishlar bo`yicha sudi tomonidan ko`rib chiqilganida, sud jarayonida R.Musurmonova mayor F.Shodievga tuhmat qilganligi o`z tasdig`ini topgan;
2013 yil 18 iyul kuni Jinoyat ishlari bo`yicha Kogon tuman sudi tomonidan O`zbekiston Respublikasi Jinoyat kodeksining 165-moddasi (Tovlamachilik) 1-qismida ko`rsatilgan jinoyatni sodir qilganlikda aybli deb topilib, unga 2 yil 6 oy muddatda axloq tuzatish ishlari jazosi tayinlangan;
2018 yil 27 may kuni Jinoyat ishlari bo`yicha Qorovulbozor tuman sudi tomonidan O`zbekiston Respublikasi Jinoyat kodeksining 139-moddasida ko`rsatilgan (Tuhmat) jinoyatni sodir qilganlikda aybli deb topilib, jinoiy javobgarlikdan ozod qilingan.
25.04.2024, 22:46
Buxoro viloyati bojxona boshqarmasining "Buxoro aeroporti" chegara bojxona posti orqali qadimiy numizmatika buyumlarini olib chiqib ketishga bo`lgan urinish bartaraf etildi. Bu haqda Buxoro viloyati Bojxona...04.02.2023, 13:13
Buxoroda moddiy manfaat orttirish maqsadida tashkil etilgan markazlarda noqonuniy diniy ta`lim olish holati aniqlandi, deya xabar bermoqda viloyat IIB matbuot xizmati. Ma`lum qilinishicha, joriy yilning 31...24.11.2022, 10:34
Buxoroda ayanchli YTH sodir bo`ldi. Bu haqda YHXX xabar bermoqda. Ma`lum qilinishicha, kecha, 23 noyabr kuni soat 16:30 larda Buxoro viloyati, Qorako`l tumani hududidan o`tuvchi 4R-76...03.10.2022, 15:55
Buxoroda o`g`il o`z onasining qotiliga aylandi. Bosh prokuratura matbuot xizmati "darakchi.uz"ga ushbu mudhish jinoyat tafsilotlarini ma`lum qildi. Aniqlanishicha, 2022 yil 28 sentyabr kuni soat 19:43 larda G`ijduvon...