Moskvaning Domodedovo aeroportidan Farg`onaga parvoz qilayotgan samolyot yo`lovchining o`limi sababli Samaraga favqulodda qo`ndi. Bu haqda RIA Novosti xabar qildi.
Ma`lum qilinishicha, Domodedovo-Farg`ona yo`nalishi bo`yicha SVR2419 reysini amalga oshirgan samolyot yo`lovchilardan birining sog`ligi yomonlashgani sababli Samaradagi “Kurumoch” aeroportiga qo`nishga majbur bo`lgan.
“Shifokorlar samolyotga etib kelishganda, afsuski, yo`lovchi vafot etib bo`lgan edi”, - dedi agentlikka aeroport vakili.
Dastlabki ma`lumotlarga ko`ra, vafot etgan yo`lovchi O`zbekiston fuqarosi bo`lgan. Uning o`limiga o`pkadagi shish bilan kuzatilgan infarkt sabab bo`lgan.
