Andijon viloyati aholisiga joriy qish masumida 200 ming tonna ko`mir etkaziladi

Andijon viloyati aholisining ko`mir va ko`mir briketi yoqilg`isi bilan ta`minlanishi yuzasidan axborot berdi. Viloyatda kuz-qish mavsumini barqaror o`tkazish maqsadida bugun viloyatimizda salmoqli ishlar amalga oshirilmoqda.

Olib borilayotgan ana shunday ishlardan biri mavsumda viloyat aholisi uchun keltirilgan ko`mir yoqilg`isi va ko`mir briketini viloyatdagi mavjud omborxonalar orqali tarqatilishidir.

Viloyatga joriy yil uchun 200 ming tonna ko`mir va briket yoqilg`isini olib kelish ko`zda tutilgan bo`lib, shundan, Angren ko`mirlari 130 ming tonna va ko`mir briket yoqilg`isi 70 ming tonna belgilangan bo`lsa, hozirda jami 81346 tonna ya`ni, 42470 tonna Angren ko`mirlari va 276 tonna ko`mir briketi yoqilg`i mahsulotlari viloyatimiz hududlari kesimida belgilangan omborlarga olib kelinib, aholiga tarqatish ishlari boshlab yuborilgan. 

Hozirda viloyatda jami 7 ta hududiy omborxonalar tashkil etilgan bo`lib, aholiga ko`mir va ko`mir briket yoqilg`isini etkazib berishda faoliyat olib bormoqda. Andijon shahar, Andijon, Oltinko`l va Buloqboshi tumanlari aholisi uchun Andijon shahridagi markaziy omborxona, Asaka va Marhamat tumanlari uchun Asaka tumani ombori, Izboskan tumani uchun Izboskan tuman ombori, Shahrixon, Bo`ston, Baliqchi va Ulug`nor tumanlari uchun Shahrixon tuman ombori, Paxtaobod tumani uchun Paxtaobod tuman ombori, Jalaquduq va Xo`jaobod tumanlari uchun Jalaquduq tuman shahobchasi hamda Qo`rg`ontepa tumani va Xonobod shahri uchun Qo`rg`ontepa tuman omborlari biriktirilgan.

Quyidagi ko`rsatkichlarda omborlar bo`yicha shahar va tumanlarga etkazilib berilishi kerak bo`lgan ko`mir va ko`mir briket yoqilg`i mahsuloti hamda shu kunga qadar etkazib berilgan yoqilg`i mahsulotlari bilan tanishish mumkin.