Bugun Adliya vazirligi tomonidan “Qonunchilikdagi yangiliklar” nomli brifing va matbuot anjumani tashkil etildi. Dastlab soha mutaxassislari ishtirokida Hukumatning 2019 yil 16 noyabrdagi “Jismoniy va yuridik shaxslarning mulk huquqlari kafolatlarini ta`minlash hamda er uchastkalarini olib qo`yish va kompensasiya berish tartibini takomillashtirishga doir qo`shimcha chora-tadbirlar to`g`risida”gi 911-son qaroribo`yicha matbuot anjumani o`tkazildi.
Qaror bilan Er uchastkalari olib qo`yilishi va olib qo`yilayotgan er uchastkasida joylashgan ko`chmas mulk ob`ektlari mulkdorlariga kompensasiya berish tartibi to`g`risidagi nizom tasdiqlandi.
Unga ko`ra, Er uchastkasini olib qo`yishga zarurat tug`ilganda hokimlik yoki investor va mulkdorlar o`rtasidaOAV ishtirokida ochiq muhokama o`tkaziladi.
Hokimlik yoki investor tomonidan dastlabki hisob-kitoblar amalga oshiriladi, kompensasiya berish uchun etarli resurslar mavjudligi o`rganiladi.
Qoraqalpog`iston Respublikasi Jo`qorg`i Kengesi, xalq deputatlari Kengashlari tomonidan er uchastkasi olib qo`yilishidagi foyda va xarajatlar o`rganib chiqiladi.
Resurslar etarli bo`lganida hamda foyda xarajatlardan ustun kelganda er uchastkasini olib qo`yish to`g`risidagi qaror Qoraqalpog`iston Respublikasi Jo`qorg`i Kengesi, xalq deputatlari Kengashlari tomonidan qabul qilinadi.
