Maktabgacha ta`lim vazirligi turar-joy binolarining birinchi qavatlarida maktabgacha ta`limni yo`lga qo`yadi.
2019 yil 23 noyabr kuni Toshkent shahar Sergeli tumanida ikkita davlat maktabgacha ta`lim tashkilotining (keyingi o`rinlarda -MTT) ochilish marosimi bo`lib o`tdi. Umumiy hajmi 370 nafar bolani tarbiyalashga mo`ljallangan ushbu MTTning ochilish marosimida Maktabgacha ta`lim vaziri Agrippina Shin ishtirok etdi.
Sergeli tumanida qurilgan yangi maktabgacha ta`lim muassasalari turar joy binolarining birinchi qavatida joylashgan.
“Sergeli tumani qurilish zichligi va yosh oilalarning ko`pligi bilan ajralib turadi. Maktabgacha ta`lim vazirligi mavjud imkoniyatlardan foydalangan holda aholini zarur ijtimoiy infratuzilma bilan ta`minlashga harakat qilmoqda. Biz yangi ob`ektlarni qurmoqdamiz va mavjudlarining imkoniyatlarini oshirmoqdamiz. Yangi MTT turar joy binolarining birinchi qavatida joylashgan bo`lib, u ota-onalar va bolalar uchun qulaydir. Hammasi bo`lib ikkita maktabgacha ta`lim muassasasida 7 ta kunlik guruhlar va 4 ta qisqa muddatli guruhlar ikki smenada faoliyat yuritadi ”, — deydi maktabgacha ta`lim vaziri Agrippina Shin.
Oziq-ovqat mahsulotlari ikki xil tarzda tashkil qilinadi:
- tashqi ovqatlanish oshxonasi, ovqat tayyorlash uchun jihozlar, idishlar va mebellar bilan ta`minlash;
- tayyor ovqatni MTTga etkazib berish.
Shuningdek, ikkita maktabgacha ta`lim muassasasining ochilishi pedagog va yordamchi xodimlar uchun qo`shimcha 41 ta ish o`rnini yaratadi. Ikkala MTT ham 2019 yil dekabr oyida ishga tushadi.
Yangi davlat maktabgacha ta`lim tashkilotlari to`g`risida ma`lumot:
MTT raqami 40.
Manzil: Sergeli, Sputnik-16.
Quvvati: 90 nafar bola.
Guruhlar soni: 3 ta kunlik guruh.
Xodimlar: 10 ta tarbiyachi pedagog, 8 ta yordamchi xodim.
Ovqatlanishni tashkil qilish usuli: autsorsing.
MTT raqami 41.
Joylashgan joyi: Sergeli 7.
Quvvati: 280 nafar bola.
Guruhlar soni: 4 ta kunduzgi guruhlar, 2 ta smenada 4 ta qisqa muddatli guruhlar.
Xodimlar: 13 tarbichi pedagog, 10 yordamchi xodim.
Ovqatlanish usuli: autsorsing.
