Hozirda Parij shahrida 4 mamlakat – Rossiya, Ukraina, Fransiya va Germaniya rahbarlari o`rtasida sammit o`tkazilmoqda. Bu yig`ilishda Ukraina sharqida tinchlikni tiklash masalasi ko`rib chiqilmoqda.
Ma`lum qilinishicha, 9 dekabr, dushanba kuni Rossiya Prezidenti Vladimir Putin ushbu sammit sabab birinchi marta ukrainalik hamkasbi Vladimir Zelenskiy bilan uchrashdi.
Ukraina va Rossiya o`rtasidagi munosabatlar 2014 yilda Rossiya Qrimni anneksiya qilganidan beri yomonlashgan. Shu paytgacha bu hududdagi mojarolar sabab 13 mingdan ortiq odam halok bo`ldi.
«Asosiy masala – bu Ukraina suverenitetini tiklash maqsadiga erishishimiz uchun ikki tomonning bir-biriga bo`lgan ishonchini mustahkamlash», – dedi Fransiya diplomatik manbasi.
Ko`plab ukrainaliklar Rossiya bilan murosa qilishni yoqlamaydilar. Ular Putinni Ukrainaga o`zining ta`sirini tiklashga intilayotgan tajovuzkor sifatida ko`rishadi. Shuningdek, ular Rossiyani Ukrainaning Evropa bilan yaqin aloqalariga putur etkazishidan xavotirda.
