Har yili ikki haftalik qishki ta`til vaqtida temir yo`l chiptalarni sotib olishga beriladigan chegirmalar haqida batafsil ma`lumot berish borasida murojaatlarni inobatga olgan holda “O`ztemiryo`lyo`lovchi” quyidagilarni ma`lum qildi.
Xabaringiz bor, joriy yil 22 dekabr kuni Oliy Majlis Qonunchilik palatasi hamda Xalq deputatlari mahalliy kengashlari deputatligi uchun bo`lib o`tadigan saylovlar o`tkaziladi. Shu munosabat bilan 2019 yil 16-22 dekabr kunlari va 2019 yil 28 dekabrdan 2020 yil 6 yanvarga qadar oliy o`quv yurtlari talabalari va kasb-hunar kollejlari o`quvchilari uchun temir yo`l chiptalarni sotib olish uchun 50% chegirma taqdim etiladi. Chegirmalar faqat ichki yo`nalishdagi poezdlarga, yuqori tezlikda harakatlanuvchi «Afrosiyob» poezdi bundan mustasno, deyiladi xabarda.
Avvalroq «O`zbekiston temir yo`llari» aksiyadorlik jamiyati 2019 yilning 31 dekabr – 2020 yilning 2 yanvar kunlari mahalliy yo`nalishlarda yo`lovchilarga, xususan Oliy o`quv yurtlari hamdakollej va lisey talabalari uchun chegirmalar taqdim etgandi.
Eslatib o`tamiz, Oliy ta`lim muassasalari talabalari va akademik lisey hamda professional ta`lim muassasalari o`quvchilariga 2019-2020 o`quv yili qishki ta`til kunlari 2019 yil 20 dekabrdan 2020 yil 6 yanvargacha etib belgilandi.
