Avvalroq 2020 yilning 12—13 yanvar kunlari Rossiya tashqi ishlar vaziri Sergey Lavrov rasmiy tashrif bilan O`zbekistonga kelishi haqida xabar berilgandi. O`zbekiston Tashqi ishlar vazirligi Sergey Lavrovning tashrifi to`g`risida rasmiy ma`lumot berdi.
Rossiya TIV rahbari O`zbekiston Prezidenti Shavkat Mirziyoev tomonidan qabul qilinishi kutilmoqda.
Tashrif dasturida O`zbekiston Tashqi ishlar vazirligida ikki tomonlama muzokaralar o`tkazish va Moskva davlat xalqaro munosabatlar institutining (universitet) Toshkent shahridagi filialiga borish ko`zda tutilgan.
Bo`lajak muzokaralarda ikki tomonlama siyosiy, iqtisodiy va madaniy-gumanitar hamkorlikning qator masalalari muhokama qilinadi. Tashqi ishlar vazirliklari o`rtasida 2020—2021 yillarga mo`ljallangan hamkorlik dasturini imzolash ham rejalashtirilmoqda.
Eslatib o`tamiz, joriy yilning may oyida Shavkat Mirziyoev Markaziy Osiyoda giyohvand moddalarni nazorat qilish sohasidagi mintaqaviy hamkorlik bo`yicha o`zaro anglashuv memorandumi ishtirokchi davlatlarining 11-majlisida qatnashish doirasida O`zbekistonda amaliy tashrif bilan kelgan Sergey Lavrovni qabul qilgan edi.
