Avval xabar qilganimizdek, kecha, Namangan viloyati hokimi Xayrullo Bozorov Norin tumanida viloyat yoshlari bilan muloqot o`tkazdi. Unda hududdagi yoshlarni qo`llab-quvvatlash borasida viloyat rahbari tomonidan bir qancha imkoniyatlar va rag`batlantirishlar yo`lga qo`yilayotgani haqida ma`lumot berildi.
Xususan, viloyatda salohiyatli hamda zamonaviy bilimlarga ega kadrlarni ko`paytirish hamda xorijiy mutaxassislarni zamonaviy korxonalarga katta maosh evaziga jalb etishni kamaytirish maqsadida endilikda yirik sanoat korxonalari va tadbirkorlik sub`ektlari o`zlari uchun kerakli yo`nalishlarda 1 nafardan yoshlarni aniq fanlar yo`nalishida o`qitish uchun o`z mablag`lari hisobidan chet elga yuborishlari bo`yicha kelishuv imzolanadi.
