Sal avval, Qo`qonda er-xotin o`ldirilib, bollarining og`zi skotchlab ketilgani haqida xabar bergan edik. Ayni paytda Bosh prokuratura Matbuot xizmatining “darakchi.uz”ga ma`lum qilishicha, voqea 6 yanvar kuni soat 10:20 larda sodir bo`lgan.
Aniqlanishicha, Qo`qon shahar Jasorat ko`chasida yashovchi 1978 yilda tug`ilgan F.X va uning rafiqasi 1978 yilda tug`ilgan S.Yu.ning murdalari o`zlarining yashash xonadoni yotoqxonasida qotillik alomatlari bilan topilgan.
Mazkur holat yuzasidan shu kuni shahar prokuraturasi tomonidan JKning 97-moddasi 2-qismi “a” bandi bilan jinoyat ishi qo`zg`atilgan. Ayni paytda fosh etish chorasi ko`rilmoqda.
Tez orada voqea bo`yicha aniq ma`lumotlar taqdim etiladi.
