Shahzoda Harri va uning rafiqasi Megan qirollik oilasi bilan bog`liq asosiy vazifalardan xalos bo`lish va moliyaviy mustaqillikka intilishmoqda. Bu haqda Sasseks gersogi va gersoginyasining instagramdagi sahifasida e`lon qilingan.
Juftlik «monarxiya institutidagi yangi progressiv rol» yaratish, shuningdek, navbati bilan Buyuk Britaniya va AQShda yashashini va moliyaviy mustaqillikka erishish niyatida ekanligini aytgan.
Ular qirolicha Elizaveta II ni «har tomonlama qo`llab-quvvatlash»da davom etishni rejalashtirishgan.
Harri va Meganning so`zlariga ko`ra, qaror bir necha oylik tahlil va muhokamalardan so`ng qabul qilingan.
Sentyabr oyida ular doimiy diqqat markazida bo`lish qanchalik qiyinligini aytishgandi.
