“O`zbekkino” Milliy agentligi va Germaniya Federativ Respublikasining Gyote institutining O`zbekistondagi filiali rahbariyati bilan hamkorlikda “Shum bola” xalqaro bolalar kinofestivali o`tkaziladi.
Bugun "O`zbekkino" Milliy agentligi binosida “O`zbekkino” Milliy agentligi Bosh direktori Firdavs Abduxoliqov hamda Gyote institutining O`zbekistondagi filiali rahbari Yan Xelfer o`rtasida kinofestivalni tashkil etish yuzasidan uchrashuv bo`lib o`tdi.
Ushbu kinofestival mamlakatimizda ettinchi marotaba o`tkazilmoqda. Tadbirdan ko`zlangan maqsad, o`zbek va nemis madaniy aloqalarini yanada mustahkamlash va har yili an`anaviy tarzda bo`lib o`tadigan “Shum bola” xalqaro bolalar kinofestivalini munosib o`tkazishdir.