“Ўзбеккино” Миллий агентлиги ва Германия Федератив Республикасининг Гёте институтининг Ўзбекистондаги филиали раҳбарияти билан ҳамкорликда “Шум бола” халқаро болалар кинофестивали ўтказилади.
Бугун "Ўзбеккино" Миллий агентлиги биносида “Ўзбеккино” Миллий агентлиги Бош директори Фирдавс Абдухолиқов ҳамда Гёте институтининг Ўзбекистондаги филиали раҳбари Ян Хелфер ўртасида кинофестивални ташкил этиш юзасидан учрашув бўлиб ўтди.
Ушбу кинофестиваль мамлакатимизда еттинчи маротаба ўтказилмоқда. Тадбирдан кўзланган мақсад, ўзбек ва немис маданий алоқаларини янада мустаҳкамлаш ва ҳар йили анъанавий тарзда бўлиб ўтадиган “Шум бола” халқаро болалар кинофестивалини муносиб ўтказишдир.
